Kategorie: Uncategorized

16 OKTOBER 2019

 Joshua 1:9:  #Vreesloos

“Het ek jou nie beveel nie: Wees sterk en vol moed, wees nie bevrees of verskrik nie; want die Here jou God is met jou, oral waar jy heengaan.”

Om sterk en vol moed te wees beteken dat ek en jy ons God moet vertrou om ons te beskerm.  Dit verg ook dat ons, ons geloof moet inspan om die moeilike dinge in die lewe vreesloos te trotseer.  Soos Joshua, gaan ons ook by dinge en situasies kom waar ons nie oplossings het nie.  Dinge wat ons so gaan skud, dat ons wonder of die son ooit weer gaan skyn.

Maar dan kry ons die boodskap presies soos wat Joshua dit gekry het.  ‘n Opdrag om nie bang en bevrees te wees nie, maar ‘n belofte dat God altyd by ons sal wees.  Is dit nie ‘n fantastiese wete nie?  Dat deur dik en dun kan ons op God vertrou om saam met ons te stap, te veg en te praat sodat ons veilig aan die ander kant kan uitkom.

W E R K V E R S K A F F I N G
D I N S D A G   1 5   O K T O B E R    2 0 1 9

Die Werkverskaffingsbulletin word elke Dinsdag om 10h40 uitgesaai op 104fm.

Poste moet asseblief teen Maandae 11:00 gestuur word na reception@104fm.co.za

Radio Tygerberg 104fm bied ’n gratis platform vir werkgewers om beskikbare poste te adverteer. Ons probeer so ver moontlik verseker dat die werksgeleenthede wat geadverteer word, betroubare inligting deurgee.Neem kennis dat Radio Tygerberg 104fm nie verantwoordelikheid aanvaar vir enige skakeling, onderhandelings of enige ander legitieme sake tussen betrokke partye wat mag voortspruit op hierdie platform nie.

G E M E E N S K A P S N U U S
D I N S D A G   1 5  O K T O B E R   2 0 1 9

15 OKTOBER 2019 

Johannes 14:27:  #Vreesloos

“Vrede laat Ek vir julle na, My vrede gee Ek aan julle; nie soos die wêreld gee, gee Ek aan julle nie.  Laat julle harte nie ontsteld word en bang wees nie.”

Ons God is ‘n God van oorgenoeg.  Hy gee nie soos die wêreld waar daar te kort is nie, maar wel in oorvloed.  Die oorvloed is so groot dat dit alle verstand te bowe gaan. Dit is wat ek en jy moet onthou wanneer dit voel asof alles nie uitwerk nie.  Ons kan vasklou aan God se vrede.

Ek wil jubel en dans oor hierdie woorde van Jesus.  As Hy vir my en jou vrede gee, en by ons los, beteken dit dat ek en jy dit ook vir mekaar kan gee.  Dis ‘n heilige geskenk, ‘n geskenk wat nie van hierdie wêreld af is nie, ‘n geskenk wat nie sal opraak nie.  Ek wil jou graag seën met ‘n goddelike geskenk.  Vir jou wat nou hier lees, seën ek.  Ek seën jou met die seën van die Here.  Mag jy die vrede wat alle vestand te bowe gaan vandag en vir altyd ervaar.

14 OKTOBER 2019

Jesaja 35:4:  #Vreesloos

“Sê aan die wat vervaard is van hart: Wees sterk, wees nie bevrees nie! Kyk, julle God kom met wraak, met goddelike vergelding; Hy self sal kom en julle verlos.”

Dit voel vir my asof hierdie teksvers geskryf is vir my en jou in 2019.  Ek weet nie of jy ook so bang en bekommerd is oor al die moord, dood en verval in ons gemeenskap nie.  Ek het tot die besef gekom, dat dit wat ons hier beleef ‘n geestelike aanval is wat homself uitspeel.  Maar ek en jy kan ten spyte van dwaalkoeëls, moord, verkragting, diefstal, werkloosheid en ‘n ekonomie wat lyk asof dit uitmekaar val, weet dat God ons belowe dat die wraak Syne is.  Maar nie sommer enige wraak nie – maar wel goddelike wraak.

Vir my beteken dit dat God weer vir Satan gaan herinner dat Hy alleen God is. Dat hierdie goddelikke wraak vir my en jou verlossing gaan bring.  Maar dit beteken dat ek en jy vreesloos sal moet staan.  Dat ons ten spyte van onsekerheid en bangheid kan voortgaan goed doen met die volle wete, dat God als sal laat uitwerk.

K E R K N U U S
S O N D A G   1 3  O K T O B E R   2 0 1 9

A L L E S   E N   N O G   W A T

S A T E R D A G   1 2  O K T O B E R     2 0 1 9

11 OKTOBER 2019

Spreuke 12:18:  #Woorde

“Daar is hulle wie se woorde soos die steek van ‘n swaard is, maar die tong van die wyse genees.”

Het jy al gehoor dat iemand sê: “Ek word selde kwaad, maar as ek die dag ontplof…”, of ’n ouer wat vir ’n kind sê:  “Man, jy is net so lui of dom of lomp soos jou pa!”

Woorde kan in ’n oomblik van woede of frustrasie uitgespreek word, maar die uitwerking daarvan kan soos met ’n atoombom vir eeue later nog gesien of gevoel word. Woorde, soos dolksteke veroorsaak wonde wat lank vat om te genees en soms nooit ooit weer verdwyn nie. Daarteenoor, kan woorde ook genesend wees en lewe gee. Charles Capps sê in sy boek, The Tongue, a Creative Force “The spoken Word will work for you as you continuously confess it”.

God se Woord spreek ons hele menswees aan en is medisyne vir ons gees, siel en liggaam. Wanneer ’n wyse mens, iemand wat goed onderlê is en die Woord spreek, praat is daar genesing en opbouende lewenskrag wat uitvloei na die hoorder. God het ons die outoriteit gegee om in Sy Naam krag en geloof te spreek in en oor alle aspekte van ons lewens.  Soos Charles Capps dit stel: “Die Woord van God, gebore in die menslike gees en uitgespreek oor die mens se lippe is ’n skeppingskrag in die lewe van die gelowige.”

10 OKTOBER 2019

1 Petrus 3:10:  #Woorde

“As iemand die lewe liefhet en ‘n lang lewe begeer om die goeie te geniet, moet hy sy tong weerhou van kwaadpraat en sy lippe van leuens.”

Daar staan geskrywe: ‘”As iemand die lewe liefhet en ’n lang lewe begeer om die goeie te geniet, moet hy sy tong weerhou van kwaadpraat en sy lippe van leuens,” Petrus haal hier Ps 34:13 – 14 aan. Hier is vir ons twee riglyne tot ’n lang en goeie lewe: weerhou jou tong van kwaadpraat en bewaar jou lippe van leuens. Dit klink maklik genoeg, nie waar nie? Maar wag ’n bietjie; wat beteken kwaadpraat? Jy beswadder dalk niemand nie, maar geniet jy dit wanneer iemand anders dit doen? Tree jy in die bresse vir ’n persoon wat in jou teenwoordigheid sleggemaak word? Jou stilte wanneer iemand se karakter vermoor word maak jou aandadig aan die vernietiging van kwaadpratery.

En wat van leuens? Vertel jy nou en dan ’n ‘wit-leuentjie’ of ’n halwe-waarheid? Vergroot jy dalk die afslag wat jy gekry het, of verklein jy die prys wat jy vir ’n item betaal het? Derek Prince sê: “Daar is nie ’n grys area nie; as dit nie die waarheid is nie is dit ’n leuen. En satan is die vader van leuens.” Kortom, as jy lippe bewaar van leuens en kwaadpraat en net die goeie in mense sien en deel, sal jy gesonder wees en langer lewe.

9 OKTOBER 2019

Efesiërs 4:29:  #Woorde

“Vuil taal moet daar nooit uit julle mond kom nie; praat net wat goed en opbouend is volgens die eis van omstandighede, sodat dit julle hoorders ten goede kan kom.”

Jy is dalk ’n persoon wat nooit ’n lelike woord sê of ’n vuil grappie sal herhaal nie. Trouens wanneer iemand in jou geselskap sou vloek bloos jy namens die persoon en verkies om liewer die gesprek te verlaat. Vuil taal kom daar nooit uit jou mond nie. Hierdie teksvers is beslis nie op jou van toepassing nie! Maar as jy die vers in sy geheel lees, besef jy dat hier nie net sprake is van growwe taal of vloektaal nie.

Vuil taal is hier baie meer omvattend en beteken ook sleg of afbrekend of soos die woord sapros in die Griekse teks beteken, stinkend of verrot! Die sappige brokkie skindernuus wat jou so interesseer, is in werklikheid soos verrotte vleis wat nie alleen jouself nie, maar ook jou hoorders kan vergiftig. Moet dit nie ontvang nie en moet dit ook nie aangee na ander om aan te smul nie. Baie verhoudings is al vertroebel en lewens vernietig hierdeur. Die Apostel Paulus maan ons om veel eerder woorde te spreek wat ons hoorders kan opbou en voed en nuttig is om ons op ons geestelike wandel te help. In kort, moenie skindernuus ontvang of aangee nie!