Paasgebede 19 April 2019
April 19, 2019
Deur Elize Parker
Toe die hemelgordyn geskeur het
Teen ongeveer twaalfuur het duisternis toegesak oor die hele
land tot drie-uur toe.
Lukas 24: 44.
Jesus, toe die tyd aangebreek het om na Golgota toe te stap,
het U geweet die son sou verdoof vir drie ure?
So seer was u Vader se hart dat die hemelkoepel se gordyn
teen die ligbal getrek was.
Soms Heer leef ek nie in die Lig van u opstanding nie
maar in die donkerte van my hart.
Ek weet Heer, hoe seer dit U hart maak dat ek nie
in die helder lig van u kruisoorwinning leef nie.
Maar Heer, dis moeilik om net deur ‘n dag te kom
wanneer my gedagtes my regeer.
My gevoelens dartel soos ‘n rustelose vlinder.
Ek het u Lig so nodig en die wete dat U met my is.
U sorg vir my. U sal doen wat reg en goed vir my is.
Ek weet U wil nie hê dat ek moet bly lê nie.
Na drie ure aan die Kruis het die duisternis vervaag.
Daar is ook ‘n einde aan my pyn en seer.
Heer, ek prys U dat ons nie in die skadu van die kruis staan nie
maar in die Lig van u Opstanding.
Amen.
