Dagstukkies met Wayne 7 Augustus 2019
Augustus 7, 2019
1 Johannes 5:14-15: #Gebed
“En nou kan ons moet vrymoedigheid na God gaan, omdat Hy ons gebede verhoor as ons enigiets volgens Sy wil vra. En aangesien ons weet dat Hy ons vra en aangesien ons weet dat Hy ons gebede verhoor as ons iets so vra, weet ons ook dat ons kry wat ons van Hom vra.”
Baie gelowiges lees hierdie skrif maar al wat hulle raak lees is die volgende: “En nou kan ons met vrymoedigheid na God gaan, omdat Hy ons gebede verhoor. En aangesien ons weet dat Hy ons gebede verhoor, weet ons ook dat ons kry wat ons van Hom vra.” Dit is egter glad nie wat hierdie skrif gedeelte ons leer nie.
Die sleutel in hierdie skrifgedeelte is in die feit dat wanneer ons bid ontvang ons wat ons vra sou ons vra wat God se wil is. Dit maak hierdie skrifgedeelte heeltemal anders. Ons bid egter nou nie net meer vir dit wat ons wil hê nie, maar ons vra dat God ons sal gee wat wel Sy wil is vir ons. Jesus het ook so ‘n gebed gebid. Hy het gevra dat die beker Hom verby moet gaan omdat Hy nie deur die lyding wou gaan nie MAAR dit is nie waar sy gebed gestop het nie. Jesus bid toe verder en sê: “Laat nogtans nie my wil nie maar U wil geskiet” (Lukas 22:42, AFR83).
Jakobus 4:3 in die Engelse vertaling lees: “When you ask, you do not receive, because you ask with wrong motives, that you may spend what you get on your pleasures.” (NIV). Hier het ons dus die kern van enige gebed: Motiewe. Ons bid alles wat ons bid vanuit een van twee motiewe:
- God se wil of
- vir ons eie plesier.
Dalk bid jy al jare vir daardie huis, motor, werksgeleentheid of huweliksmaat. Dit is glad nie verkeerd om dit te doen nie want ons kan met vrymoedigheid na God gaan met enigiets. Maar wanneer ons bid, kom ons bid eerder vir God se wil as wat ons bid vir ons eie plesier. As jy bid, vra jouself die vraag: “Is dit God se wil of eerder vir my eie plesier?”
As ons God se wil soek, is ons werklik ‘n Vriend van God.
