Reinhard Kotze – ‘n man vir die middag
April 7, 2019
Reinhard Kotze – ‘n man vir die middag
Deur Adrie Jurgensen
Reinhard Kotze is die afgelope jaar die middag-aanbieder van #Huis Toe op Radio Tygerberg 104fm weeksdae tussen 16:00 en 19:00.
Hy is die pa van twee besige seuns en die man van een ongelooflike vrou, Aneke (hy glo een vrou sal hom uit die moeilikheid kan hou!) Sy skerp sin vir humor, uitstekende luistervermoë, vriendelikheid, eerlike reguit benadering tot probleme en toeganklike persoonikheid het hom vining ‘n baie gewilde kollega gemaak. Reinhard is onlangs genominieer vir die Liberty Radio Toekennings in die afdeling vir Beste Middag-aanbieder. Die wenner word Saterdag 13 April aangekondig.
Verder is hy ook betrokke by die jeug vir Doxa Deo Langeberg naby Cape Gate, hy is ‘n voltydse pastoor en lewer ook Sondag 06:00 tot 09:00 die oggendboodskap op Radio Tygerberg 104fm.
Hy is passievol daaroor om mense te sien verander en put groot inspirasie daaruit om ander te impakteer met God se woord. Sy droom vir Kaapstad is dat die mense hier leef soos uitgesoekte kinders van God en dat die Wes-Kaap geken sal word as die plek waar God se heerlikheid heers.
In die tweede week van April skryf Reinhard die Dagstukkies met…reeks en pak die onderwerp #Luister aan.
Volg Reinhard op sosiale media by FaceBook , Instagram en Twitter.
