Dagstukkies met Henry 22 April 2019
April 22, 2019
1 Petrus 5:8: #Waaksaamheid
“Wees nugter en waaksaam, want julle teëstander, die duiwel, loop rond soos ‘n brullende leeu, en soek wie hy kan verslind.”
Die natuur openbaar soveel aan ons! ‘n Mens kan baie leer deur net lank genoeg te kyk en regtig te probeer verstaan watter les die natuur ons wil leer. Leeus is briljante jagters en kan enige dier vang. Daardie dier moet egter aan sekere voorwaardes voldoen. Leeus sal nie sommer vir die sterkste buffel in die trop gaan nie, nee. Hulle sal eerder vir die verwerpte, swakker buffel gaan, bloot omdat elke jag gevaar inhou – ook vir die jagter.
So bewys Petrus dan ook vir ons dat hulle wat nie hulle kommer en vrees deel met die Here nie, ruimte skep vir die duiwel om hulle te beinvloed tot op die plek van verwoesting. Die is ons voorreg om kommer en vrese met God te deel, sodat ons nie angstig en verwerp rondloop en voel dat God niks met ons te doen wil hê nie, nee. Petrus sê waak dat jy op daardie plek nie eindig nie, omdat die duiwel wat soos ‘n brullende leeu rondloop op soek is na iemand wie hy kan vernietig. Hy kan nie aan jou raak as jy nie op daardie plek kom nie. So wees vinning om met God jou hart te deel totdat jy vrede ervaar en deur aktiewe geloof jou vyand weier.
Sê bietjie prys die Here!
