Dagstukkies met CLF 27 Maart 2020

Maart 27, 2020

Dink voor jy praat

“Sit ’n wag voor my mond, Here, hou tog wag oor wat ek sê” (Psalm 141:3)

 

Om te kan praat is genade van die Here. In die wêreld is daar baie mense wat nie kan praat nie. Party is stom gebore, ander het miskien ’n siekte gekry of iets oorgekom sodat hulle nie kan praat nie. Mense praat met mekaar, en ons geniet dit om te gesels.

Ons kan ook mense seermaak met wat ons sê. Soms is ons ongeduldig met iemand en dan sê ons vir daardie persoon dinge wat nie reg is nie. Later is ons spyt dat ons dit gesê het. Dawid vra in hierdie Psalm dat God ’n wag voor sy mond sal sit. Met ander woorde, Hy vra dat die Here hom moet help om te dink voor hy iets vir iemand sê. Ook dat hy mooi dinge vir mense moet sê.

Vra die Here om jou geduldig met mense te maak, en hulle met respek te antwoord.

 

Dankie dat ek kan praat, Here, en leer my om te dink voordat ek praat. Amen.