Dagstukkies met CLF 13 Maart 2020
Maart 13, 2020
As ons oud word
Selfs in hulle ouderdom sal hulle nog toeneem in krag. Hulle sal fris en lewenskragtig wees”
(Psalm 92:15)
Niemand van ons bly vir altyd jonk nie. Wanneer ons jonger is, so tussen twintig en veertig jaar oud, het ons baie krag en is ons vol lewenslus. Ons kan ’n swaar vrag op ons skouers tel. Maar soos ons ouer raak, word ons swakker en kan nie meer alles doen soos voorheen nie. Siektes en pyne begin ook pla.
Nou lees ons in Psalm 92 hoe groot die dinge is wat God alles doen. In ons teksvers lees ons dat die Here steeds vir ons krag gee wanneer ons oud en swak word. As ons ons hele lewe lank vir God dien, sy wil doen, vir Jesus as ons Verlosser aanvaar, sal God sorg dat ons mooi oud word.
Wanneer jy iemand sien wat oud is, help so ’n persoon en weet dat die Here ook vir jou sal krag gee wanneer jyself oud is.
Liefdevolle Vader, dankie dat U belowe om vir my te sorg as ek oud word. Amen.
Dagstukkies Met… is ‘n Radio Tygerberg 104FM-inisiatief en word moontlik gemaak deur CLF, die Christelike Lektuurfonds.
