Dagstukkies met CLF 31 Oktober 2020

Bly vol moed

“Daarom, liewe broers, wees standvastig, onwankelbaar, altyd oorvloedig in die werk van die Here, omdat julle weet dat julle inspanning in diens van die Here nie tevergeefs is nie” (1 Korintiërs 15:58)

Hier, in die laaste deel van die brief aan die Korintiërs, skryf Paulus aan die mense om hulle moed in te praat. Hy vra dat hulle sterk moet wees, by hulle beginsels moet bly en die werk van die Here met blydskap moet doen. Indien hulle dit kan regkry, was hulle harde werk nie verniet nie. God sien dit raak en sal hulle daarvoor seën.

Baie keer voel dit vir ons dat die werk wat ons vir God hier op aarde doen nie waardeer word nie. Ons stel die voorbeeld, en vertel vir ander van die Here, maar ons sien nie hoe God se koninkryk uitbrei nie.

Daaroor hoef ek en jy nie bekommerd te wees nie. Ons moet net aanhou werk, God self sal mense na Hom toe bring en sy koninkryk op aarde laat groei. Moet net nooit moed verloor nie, die Here sal help.

 

Vandag wil ek bid, Here, soos dit in die Onse Vader staan: Laat u koninkryk kom. Amen.

Dagstukkies Met… is ‘n Radio Tygerberg 104FM-inisiatief en word moontlik gemaak deur CLF, die Christelike Lektuurfonds.

 

Kerknuus – 1 November 2020

K E R K N U U S
S O N D A G   0 1  N O V E M B E R   2 0 2 0

 

8-9 NOVEMBER 2020 NUWE LEWE BEDIENINGE INTERNASIONAAL
Nuwe Lewe Bedieninge Internasionaal hou ‘n Konferensie met Past. Rynier Nolan

Waar: Nuwe Lewe Bedieninge H/v Riebeeck & Jameson Straat, Goodwood

Tyd: 09h00 & 18h00

Toegang: Gratis, liefdesoffer opgeneem word tydens dienste.

Kontak: Past. Jan Bezuidenhout by 072 117 4883

 

5 DESEMBER 2020 NUWE LEWE BEDIENINGE INTERNASIONAAL
Nuwe Lewe Bedieninge Internasionaal hou ‘n Mini Basaar met heerlike Potjiekos, Tee Tuin en vele meer!

Waar: Nuwe Lewe Bedieninge, H/v Riebeeck & Jameson Straat, Goodwood

Tyd: 08h00-15h00

Kontak: Past. Jan Bezuidenhout by 072 117 4883

 

19-21 DESEMBER 2020 VGK VALHALLA PARK
VGK Valhalla Park hou ‘n Fondsinsameling Bootreis na Nerens op die MSC Boot

Koste: 2 Slaapplek binnekajuit @ R3800p/p asook familie binne kajuite @ R3800 volw, R900 p/kind, sluit in alle etes, tee/koffie/water, alle vertonings ens.   

Skakel: Delores of Arend by 084 301 0885 of (021) 903 5207

 

Alles & Nog Wat – 31 Oktober 2020

A L L E S   E N   N O G   W A T

S A T E R D A G  3 1  O K T O B E R   2 0 2 0

Advertensies moet asseblief teen Donderdag, voor 12h00 gestuur word na reception@104fm.co.za of per SMS na 32716 Inligting ook op webtuiste beskikbaar – besoek www.tygerberg104fm.co.za

 

O P  S O E K L O O K I N G  F O R
Sally is op soek na ‘n Wasmasjien en mikrogolfoond teen ‘n weggeeprys of te skenk.

Kontak: Sally by 063 131 6601

   
T E  K O O P F O R  S A L E
Brand new Shanchez acoustic Guitar in box @ R700

Contact: Felicia on 076 160 1072

 
T E  K O O P F O R  S A L E
Garden or yard Furniture Couch + 2 White enamel arm Chairs with cushions @ R600

Contact: 084 615 5742 or 021 701 5697  

 
T E  K O O P F O R  S A L E
Enkel Pine Bed met sponsmatras vir R480 + plastiese Tuintafel met 6 stoele vir R450

Kontak: Gwenda by 079 790 1844

 
T E  K O O P F O R  S A L E
Swart Sak Damesklere (nrs 30/32) + ¾ Bed sonder matrasse vir R500

Kontak: Mev. Septoe by 079 284 1062

 

T E  K O O P F O R  S A L E
 Panasonic Kleur TV vir R400

Skakel: Ria by 082 663 3021

 

T E  K O O P F O R  S A L E
Omkap naaimasjien (Overlocker) vir R2000

Skakel: Hendrina by 071 731 5602

 

O P  S O E K L O O K I N G  F O R
Tania is op soek na Kinderklere vir 2jarige dogtertjie teen ‘n weggeeprys of te skenk.

Skakel: 064 628 8820

 

T E  K O O P F O R  S A L E
Student Desk in good Condition @ R450 + Wooden Storage Box @ R400

Girls single pink Bed @ R1200

4 Boxes of Stone Color Floor Tiles brand new (12 in a box) @ R2200

Contact: Chantal on 073 812 9142

 

T E  K O O P F O R  S A L E
Twin Pram in very good condition @ R2800

Skakel: Tania by 064 628 8820

 

 

T E  K O O P F O R  S A L E
Ford Focus 2L + Volvo S402 Alternator Cylinder Head Exhaust branch + Throttle body Engine Block Pistons STD Coil Packs + 1962 Morris Minor – Price Neg.

Contact: 078 669 8635

 

 T E  K O O P F O R  S A L E
Klere in goeie toestand – Prys o.h.b.

Kontak: 071 004 0301

 

T E  K O O P F O R  S A L E
Omkap naaimasjien (Overlocker) vir R2000

Kontak: Hendriena by 071 731 5602

 

 

S A A M R Y  G E L E E N T H E I D L I F T
 Marlene het ‘n Saamrygeleentheid vir Persone vanaf Parow na Kaapstad van Ma-Vrydae tussen 06h30-17h00

Kontak: Marlene by 072 567 3293

 

Dagstukkies met CLF 30 Oktober 2020

Die waarskuwing

“Kom tot besinning en moenie langer sonde doen nie. Party van julle is sonder kennis van God. Dit sê ek tot julle skande” (1 Korintiërs 15:34)

Gedurende ’n mens se lewe word ons baie keer gewaarsku oor dinge wat ons nie moet doen of probeer nie. Ouers waarsku hulle kinders oor die gevare van die lewe, soos: moenie in ’n dam ingaan as jy nie kan swem nie, oppas vir slegte maats, en bly weg van dwelms en drank. Ook as jy jou eerste motor kry, word jy gemaan om versigtig te bestuur.

Vandag lees ons ook hoe Paulus die Korintiërs
waarsku om op te hou met sonde doen. Hy sê ook dat mense wat God nie ken nie, verlore sal gaan. Ek en jy moet elke dag meer van God probeer leer, sodat ons kan weet wat sonde is. Dan sal ons weet hoe om te lewe soos God dit wil hê. Ook het ons dan die versekering dat ons die ewige lewe sal kry.

 

Dierbare Here, dankie dat U ook vir my waarsku. Help my om nie meer sonde te doen nie. Amen.

Dagstukkies Met… is ‘n Radio Tygerberg 104FM-inisiatief en word moontlik gemaak deur CLF, die Christelike Lektuurfonds.

Dagstukkies met CLF 29 Oktober 2020

Die belangrikste

“Die belangrikste wat ek aan julle oorgelewer het, en wat ek ook ontvang het, is dit: Christus het vir ons sondes gesterf, volgens die Skrifte” (1 Korintiërs 15:3)

Wanneer ’n mens al die briewe wat Paulus geskryf het, lees en daaroor nadink, is dit meer as ’n mondvol. Dit lyk so moeilik en onmoontlik om alles te verstaan en te onthou. Om alles wat daar geskryf is regtig baas te raak, sal jare se Bybelstudie daaroor neem.

Gelukkig som Paulus dit vir ons mooi kort op in ons teksvers van vandag. As ek en jy glo dat Jesus vir ons sondes gesterf het, het ons die belangrikste uit al Paulus se briewe gekry. Ons moet nie oorweldig raak deur al die baie waarhede nie. En dít is eintlik ook die boodskap wat ons deur die hele Bybel kry.

Ons is baie bevoorreg om te kan verstaan dat God ons so liefhet dat Hy sy Seun Jesus gestuur het om vir ons sondes te betaal.

 

Dankie, Here Jesus, dat ek die belangrikste van u boodskap verstaan. Dankie ook vir die mense wat die Bybel geskryf het. Amen.

Dagstukkies Met… is ‘n Radio Tygerberg 104FM-inisiatief en word moontlik gemaak deur CLF, die Christelike Lektuurfonds.

Dagstukkies met CLF 28 Oktober 2020

Ons groei

“Toe ek ’n kind was, het ek gepraat soos ’n kind, gedink soos ’n kind, geredeneer soos ’n kind. Maar noudat ek ’n man is, is ek klaar met die dinge van ’n kind”
(1 Korintiërs 13:11)

1 Korintiërs 13 is so vol mooi gedagtes, mens wil net aanhou om daaroor te skryf. In vandag se teks gebruik Paulus die beeld van die groei van ’n kind totdat hy ’n grootmens word. Soos ’n gesonde kindjie altyd groei, so moet ons ook groei in ons geestelike lewe. Toe ons klein was, het ons ouers vir ons uit die Kinderbybel stories gelees. Ons kon toe nog net daardie stories verstaan. Later, toe ons groter was, het ons ’n regte Bybel gekry om te lees. Wanneer ons Bybelstudie doen, en meer uit die Bybel leer, groei ons geestelik en verstaan ons God se boodskap al beter.

Doen moeite om al meer van God te leer. Daar is vandag baie leesstof te kry wat jou sal help. Daardeur kom ons ook agter hoe groot God se liefde vir ons is.

 

Dankie, Here, dat U my eerste liefgehad het. Help my om al nader na U toe te groei. Amen.

Dagstukkies Met… is ‘n Radio Tygerberg 104FM-inisiatief en word moontlik gemaak deur CLF, die Christelike Lektuurfonds.

Dagstukkies met CLF 27 Oktober 2020

Hoe lyk jou liefde

“Die liefde is geduldig, die liefde is vriendelik; dit is nie afgunstig nie, is nie grootpraterig nie, is nie verwaand nie” (1 Korintiërs 13:4)

Soms as ons oor onsself dink, lyk dit of ons glad nie te slegte mense is nie. Maar wat sê ander mense van ons? Ander dink dalk nie so nie. Maar eintlik moet ons onsself meet aan die eise van die liefde soos ons teksvers dit beskryf. Eers dan kan ons tevrede wees.

Ons is sondige mense en daarom tree ons baie keer nie op soos liefdevolle Christene nie. Werkgewers is soms ongeduldig met hul werknemers as hulle nie gou en goed genoeg ’n taak voltooi nie. Ons is ook onvriendelik teenoor ander. Ons is ook baie keer afgunstig teenoor ’n vriend of maat wat beter presteer as onsself.

Kom ek en jy wys vir die mense rondom ons dat ons ware kinders van God is, en dat ons liefde kan gee soos ons hier in die Bybel lees.

 

Here, U is liefde. Leer my om ook soos U te kan liefhê.  Amen.

Dagstukkies Met… is ‘n Radio Tygerberg 104FM-inisiatief en word moontlik gemaak deur CLF, die Christelike Lektuurfonds.

Dagstukkies met CLF 26 Oktober 2020

Wat is liefde?

“Al het ek die gawe om God se boodskap te verkondig en ken ek al die geheimenisse en besit ek al die kennis, en al het ek al die geloof om berge te versit, maar het geen liefde nie, dan is ek niks” (1 Korintiërs 13:2)

In die wêreld word so baie van liefde gepraat, maar as ons liefde by mense begin soek, kry ons min daarvan. As ons in die koerante lees en televisie kyk na al die geweld en bedrog in die wêreld kom ons agter dat daar min liefde op aarde bestaan. Hier beskryf Paulus vir ons wat liefde regtig is. Ons kan baie goeie en slim mense wees, en ons kan selfs vir God werk, maar as ons nie liefde het nie, is ons niks.

Ons wat die Here ken, kan by Hom leer wat liefde is, en moet ons probeer om meer van daardie liefde aan ander te gee. Deur ons optrede sal ander mense sien wat liefde is. Hopelik sal hulle ons voorbeeld volg, sodat al meer mense sal besef dat hulle sonder liefde niks is nie. Lees gerus die hele hoofstuk 13 van 1 Korintiërs.

 

Here, help my om meer liefde aan ander te bewys. Amen.

Dagstukkies Met… is ‘n Radio Tygerberg 104FM-inisiatief en word moontlik gemaak deur CLF, die Christelike Lektuurfonds.

Dagstukkies met CLF 25 Oktober 2020

Alles tot eer van God

“Of julle eet en of julle drink of wat julle ook al doen,

doen alles tot eer van God”(1 Korintiërs 10:31)

Jongmense en kinders vra baie vrae. Dit is ook reg so, want so leer hulle wat reg en verkeerd is.

Toe ek nog ’n kind was en Sondae Sondagskool te gegaan het, het ons ook baie vrae oor die Bybel en die Here gevra. Op ’n dag het een van my maats aan die onder­wy­seres gevra hoe weet ons as kinders wat reg of verkeerd is. Haar antwoord het vir my so baie beteken dat ek dit tot vandag toe onthou. Sy het gesê dat as ons die Here saam met ons kan neem as ons iets doen, is dit reg. Wanneer ons egter iets doen waar ons die Here nie by wil hê nie, is dit verkeerd.

Vir alles wat jy doen, vra jouself af of Jesus dit saam met jou kan doen. As jou antwoord ja is, dan doen jy dit tot eer van God. As jou antwoord nee is, los dan liewer die dinge waarmee jy besig is.

 

Dankie, Here, dat U altyd by my kan wees, wat ek ook al doen. Amen.

Dagstukkies Met… is ‘n Radio Tygerberg 104FM-inisiatief en word moontlik gemaak deur CLF, die Christelike Lektuurfonds.

Dagstukkies met CLF 24 November 2020

Die waarheid

“Ek beklemtoon dit sodat niemand julle met valse redenasies mislei nie” (Kolossense 2:4)

Die afgelope tyd was ons besig met briewe wat Paulus aan verskillende gemeentes geskryf het. Die groot probleem in al daardie gemeentes was dat daar mense was wat verkeerde dinge aan die mense verkondig het. Sulke mense word dwaalleraars genoem. Hulle het die mense deurmekaar gemaak sodat hulle later begin twyfel het oor wat om te glo.

Vandag is daar nog sulke dwaalleraars. Hulle kom met baie slim stories wat mense laat twyfel. Dit is maar net nog ’n manier hoe die duiwel werk om God se kinders weg van die Here af te kry.

Ek en jy moet altyd getrou aan God bly. Dit wat ons in die Bybel lees, is die waar­heid, en daar is niks anders wat ons na die Here toe lei nie. Jesus het self gesê dat ons Hom net moet glo – soos kindertjies.

 

Dankie, Here, dat U my geleer het dat u Woord, die Bybel, die waarheid is. Amen.

Dagstukkies Met… is ‘n Radio Tygerberg 104FM-inisiatief en word moontlik gemaak deur CLF, die Christelike Lektuurfonds.