Werkverskaffing – 18 Februarie 2020

W E R K V E R S K A F F I N G
D I N S D A G   1 8   F E B R U A R I E   2 0 2 0

Die Werkverskaffingsbulletin word elke Dinsdag om 10h40 uitgesaai op 104fm.

 
VERSENDINGSKLERK DESPATCH CLERK
Requirements: Despatch Clerk needed with Pastel in Multi Store Stock Systems, for trading company based in Blackheath with experience in Hardware and Retail industry. Hands-on approach essential. Forklift drivers’ license an advantage and Computer skills imperative – Pastel/Excel/Word

Email CV with contactable references to strandsteel@telkomsa.net

 

VERSENDINGSKLERK/VOORRAADBEHEER DESPATCH/RECEIVING CLERK/STOCK
Requirements: Despatch/receiving/Clerk/Stock and End Control with dispatch duties required for trading company in Blackheath, with ability to plan vehicle loading for delivery/collection routes. Experience in Hardware and Retail industry an advantage.

Email CV with contactable references to strandsteel@telkomsa.net

 

PANEELKLOPPER PANELBEATER
Vereistes: Malmesbury Paneelkloppers BK benodig ‘n gekwalifiseerde Paneelklopper met mininum 10 jaar toepaslike ondervinding.

Epos CV en aansoek na renata@malmesburypb.co.za

 

STIKSTERS MACHINIST
Vereistes:  2 Poste beskikbaar vir ervare Stiksters.

Kontak: Lorraine by 072 956 1628

 

STAF VERPLEEGSTER STAFF NURSE
Vereistes: ACVV Dienstak Bellville benodig ‘n SANC geregistreerde Staf Verpleegster met kennis van Wet op Ouer persone, deeglike kennis van pasiëntsorg, infeksie beheer en medikasie, goeie kommunikasie vaardighede in Afrikaans en Engels, Indemniteitsversekering.

Epos CV, gesertifiseerde afdrukke van SA ID en SANC kwitansie na hoof@ons-tuiste.co.

 

SEKRETARESSE SECRETARY
Vereistes: Sekretaresse benodig met verkieslik Vericlaim kennis en help met tik van verslae.

Epos CV na acc.drmebuchner01@gmail.com

 

SENIOR SEKRETARESSE SENIOR SECRETARY
Vereistes: Basson & Blackburn Paarl benodig ‘n Senior Sekretaresse in die kommersiële afdeling met minimum 10-15 jaar relevante ondervinding om spoedig diens te aanvaar.

Epos CV aan: marinal@bassonblackburn.com

 
KODE 10 DRYWER CODE 10 DRIVER
Vereistes: Kode 10 Drywer benodig met geldige PDP en eie vervoer vanaf Maandag tot Vrydag (07h30-17h00) in Blackheath area.

Epos: CV na jcwh@mweb.co.za of Faks (021) 905 7917

 

PERSOONLIKE ASSISTENT PERSONAL ASSISTANT
Vereistes: Persoonlike Assistent benodig vir ‘n Dokters Netwerk. Voorkeur aan kandidate met ondervinding in Publisher en ‘n mediese agtergrond. Moet beskik oor goeie organiseringsvaardighede.

Stuur CV na hanlie@cpcqualicare.co.za

 

BEMARKINGSBESTUURDER MARKETING MANAGER
Vereistes: Swift Dry Cleaners benodig ‘n Marketing/Front Office Bestuurder & Tydelike Drywer verkieslik woonagtig naby Kloofstraat, geldige bestuurslisensie, sosiale media savvy, engels & afrikaansmagtig en basiese rekenaarvaardighede.

Stuur CV na info@swiftdrycleaners.co.za

 

FASILITEITSBEAMPTE FACILITIES OFFICER
Vereistes: Is jy ‘n raakvatter Nutsman met ‘n kan-doen-benadering wat daad by woord kan sit? As jy ‘n geldige rybewys het, prakties aangelê, onafhanklik kan werk terwyl jy ‘n span ondersteun, is hierdie geleentheid vir jou. Radio Tygerberg het tans ‘n posisie beskikbaar vir ‘n Instandhoudingspersoon by hul kantore in die Noordelike voorstede. Die suksesvolle kandidaat moet beheer neem van alle bates, store, voertuie, skakeling met diensverskaffers, ens. Eie vervoer is ‘n vereiste.

Stuur ‘n kort CV, afskrif van jou geldige rybewys en salarisverwagting na cv@104fm.co.za

Indien jy binne 14 dae nie van ons gehoor het nie, kan jy aanvaar jou aansoek was onsuksesvol

 

BEMARKING MARKETING
Vereistes: Goed gevestigde organisasie vir 29 jaar benodig konsultante. Verdien ‘n bo-gemiddelde inkomste. Opleiding en kliënte word voorsien uit projekte. Skakel vandag nog!!!

Besoek www.learn2learn.co.za of skakel: 021 910 0992 of 082 458 0533

 

ONDERWYSERS TEACHERS
Vereistes: Diploma in Onderwys ‘n vereiste, moet beskikbaar wees om naweke te fasiliteer.

Besoek www.learn2learn.co.za of skakel: 021 910 0992 of 082 458 0533

 Poste moet asseblief teen Maandae 11:00 gestuur word na reception@104fm.co.za.

 

Gemeenskapsnuus – 18 Februarie 2020

G E M E E N S K A P S N U U S
D I N S D A G   1 8   F E B R U A R I E   2 0 2 0

 

21 FEBRUARIE 2020 ST. MARKS METHODISTE KERK
St. Marks Methodiste Kerk hou ‘n Sang & Musiek Aand met Gugulethu Tenore & Ander         Waar: St. Marks Methodiste Kerk, Langkloof Singel, Edgemead

Tyd: 19h30    Koste: R100p/p

Kontak: Kerkkantoor by (021) 558 9295

 

23 FEBRUARIE – 1 MAART 2020 TABERNAKEL VAN GOD PINKSTER KERK
Tabernakel van God Pinkster Sending Kerk hou ‘n Herlewing Tent Veldtog     

Waar: H/v Beverley & Sandpiper Straat, Stratford Eersterivier       Tyd: 10h00 & 19h00                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                      

Kontak: Evang. Hendricks by 084 453 9346

 

28, 29 FEBRUARY & 1 MARCH 2020 MDK OUTREACH MINISTRIES
Melvin De Koker Outreach Ministries Presents The Macassar Praise & Worship Festival
Fundraising Weekend with The Soul Sisters, Trevor Benson, Phillipine, Helderberg &  Kings Choristers & many Others
Where: Macassar High School Hall   Time: 17h30    Cost: R60 daily/R130 weekend

Contact: Evang. Melvin De Koker on 081 782 0295

 

29 FEBRUARIE 2020 FONDSINSAMELING
Fondsinsameling ten bate van Jaco se mediese kostes na ernstige besering

Waar: Barnyard Teater, Tyger Vallei.   Tyd: 18h30 vir 20h00   Kaartjies: R165p/p

Kontak: Chantelle by 076 495 8722

 

29 FEBRUARIE 2020 BELLVILLE SENIOR SENTRUM
Bellville Senior Sentrum hou Basaar met tradisionele geregte soos Kerrie-afval, Tuisgebak- en Lekkergoed tafel en vele meer!

Waar: Bellville Senior Sentrum, Chrismar Villas, Bellville     Tyd: 09h00-11h30

Kontak: Kantoor by (021) 910 1250

 

6-8 MAART 2020 PIETER & HELENE THERON
Pieter & Helene Theron bied hul Bevrydingskursus aan

Waar: Laerskool De Hoop, Somerset Wes

Koste: R600p/p (sluit handleiding & nasorgboekie in)   

Kontak: Lynette by 076 591 1273 of epos aan info@lig.faith

Inskrywings kan gedoen word op www.lig.faith/theron-bevrydingskursus

 

7 MAART 2020 NGK STELLENBOSCH
NGK Stellenbosch hou ‘n Junk & Vintage Mark – Kom kuier saam en grawe vir skatte of
maak geld uit jou wit olifante!
Waar: Kerksaal, Alexanderstraat 3, Stellenbosch   Tyd: 09h00-13h00   

Kontak: Michelle by 071 368 4164

 

13-14 MARCH 2020 JOHN POWER CHILDRENS HOLIDAY CAMP
John Power Childrens Holiday Camp & Atlantis Medical Outreach Team presents a Medical Community Outreach with medical services & medication, Dentist consultation & many more!     

Where: John Power Camp, Camp Drive, Camp Road, Strandfontein   Time: 08h00    Cost: Free

Contact: Johanna Rose on 072 652 1272

 

 

 

 

 

 

 

Dagstukkies Met CLF 18 Februarie 2020

Die Here doen wonders

“Besef tog dat die Here wonders gedoen het vir dié wat aan Hom getrou is” (Psalm 4:4)

In hierdie Psalm roep Dawid ook na God. Hy is bekommerd oor die mense wat hom kwaad wil aandoen. Hy praat van mense wat vals is en leuens vertel.

Later skryf hy dat hy op die Here sal vertrou en dat hy dan veilig sal woon. Dawid weet dat God wonders kan doen as ’n mens na Hom roep en Hom vertrou. In die Bybel is daar baie geskryf oor die wonders van God. Ons menslike verstand is te klein om regtig te kan verstaan hoe groot God is, en hoe groot die wonders is wat Hy kan doen.

Ons kan maar in God glo en op Hom vertrou. Hy kan groot dinge laat gebeur, in sy kinders se lewens, maar ook oral in die wêreld .

Here, vergewe my as ek so baie kere nie glo dat U groot wonders kan doen nie. Help my om altyd op U te kan vertrou. Amen.

 

Dagstukkies Met… is ‘n Radio Tygerberg 104FM-inisiatief en word moontlik gemaak deur CLF, die Christelike Lektuurfonds.

Dagstukkies Met CLF 17 Februarie 2020

Die Here help

“Hulp kom net van die Here af”

(Psalm 3:9)

Hierdie Psalm word ook ’n Psalm van Dawid genoem. Hy het van sy seun Absalom gevlug. Absalom wou in Dawid se plek koning word, en hy wou sy pa doodmaak. Dawid het geweet dat dit net God is wat hom kan help en beskerm. Hy sê in hierdie Psalm dat as hy na God roep, antwoord God hom. Ook as hy gaan lê, slaap hy goed, want die Here beskerm hom.

So baie keer in ons lewens voel ons bang en onveilig. Party mense voel selfs nie in hulle eie huise veilig nie. Rondom ons is daar so baie misdaad en geweld. Dit maak ons bang. Wanneer ons so benoud voel, kan ons maar net Dawid se voorbeeld volg. Roep na God om hulp; Hy sal ons help en veilig hou. God is getrou en sal sy kinders beskerm.

Here, dankie dat U my hoor as ek na U roep. Beskerm my asseblief as ek onveilig voel. Amen.

 

Dagstukkies Met… is ‘n Radio Tygerberg 104FM-inisiatief en word moontlik gemaak deur CLF, die Christelike Lektuurfonds.

Dagstukkies Met CLF 16 Februarie 2020

Leiers van die wêreld

“Julle moet die Here met ontsag dien…”

(Psalm 2:11)

Hierdie Psalm herinner die konings daaraan dat hulle God met ontsag en respek moet dien. Elke mens wat oor ander aangestel is, en wat gesag moet handhaaf, is deur God self aangestel. As hulle dan regeer soos die Here dit wil hê, sal dit goed gaan met hulle volk. ’n Goeie koning is een wat gehoorsaam is aan die Here.

Ook in vandag se tye word leiers deur God aangestel. God verwag dat hulle aan Hom onderdanig moet wees, sodat dit met almal sal goed gaan.

Ons moet elke dag vir ons leiers bid, dat God vir hulle wysheid sal gee om te regeer. As die wêreld se leiers God se wil doen, sal daar vrede wees.

 

Hemelse Vader, gee aan elke leier in hierdie wêreld wysheid om U wil te doen. Amen.

 

Dagstukkies Met… is ‘n Radio Tygerberg 104FM-inisiatief en word moontlik gemaak deur CLF, die Christelike Lektuurfonds.

Dagstukkies Met CLF 15 Februarie 2020

Regverdiges

“Waarlik, die Here lei die regverdiges op hulle pad, maar die pad van die goddeloses lei tot ondergang”
(Psalm 1:6)

Ons begin nou met die Psalms. Dit is liedere wat oor ’n lang tydperk deur verskillende mense geskryf is. Dawid het ook baie van die Psalms geskryf.

In Psalm 1 word vir ons vertel van regverdige en goddelose mense. Regverdige mense is hulle wat op die Here vertrou, wat aan Hom gehoorsaam is. Goddelose mense glo nie in God nie. Hulle leef asof daar geen God is nie.

Die Here sorg vir die regverdiges. Daar word gesê dat die regverdige soos ’n boom is wat by waterstrome geplant is en vrugte dra. Daarteenoor word die goddelose mense vergelyk met die kaf wat in die wind rondgewaai word. Ons weet dat kaf nie veel werd is nie, en al klaar dood is.

Ons het nou ’n keuse om te maak: of ons kies om regverdig te lewe, en God laat ons vrugte dra, of ons kies om goddeloos te wees, en die doel van ons lewe te mis.

 

Dierbare Here, help my asseblief om die regte keuse te maak, sodat U my voorspoedig kan maak. Amen.

 

Dagstukkies Met… is ‘n Radio Tygerberg 104FM-inisiatief en word moontlik gemaak deur CLF, die Christelike Lektuurfonds.

Dagstukkies Met CLF 14 Februarie 2020

God sorg vir Sy kinders

“Die Here het die laaste deel van Job se lewe voorspoediger gemaak as die eerste” 

(Job 42:12)

Job en sy drie vriende het in die tyd toe hy so swaar­gekry het, baie gepraat. Hulle het probeer  verduidelik hoekom Job so swaarkry. Dis oor sy sonde,  het hulle gesê. Hy verdien dit. God straf hom. Maar dit het Job nie aanvaar nie.

Partymaal verstaan ons nie hoekom dinge met ons gebeur nie. Ons verstaan nie hoekom God toelaat dat slegte dinge met ons gebeur nie. Dis nie altyd net oor God ons wil straf nie. Daarom was die raad van Job se vriende nie reg nie. Job was baie moede­loos oor die woorde van sy vriende en het gewens dat hy kon sterf.

Toe het die Here self met Job gepraat. Die Here het hom vertel dat Hy alles op aarde gemaak het, en dat daar niemand so almagtig is soos Hy nie. Job besef toe dat God tot alles in staat is, en dat niemand God kan teëgaan nie. Ons verstaan net nie altyd hoekom God dinge doen nie. Maar ons kan God vertrou. Deur dit alles het Job nie gesondig nie. God het hom gesond gemaak en die laaste deel van sy lewe het hy nog meer besittings gehad as voorheen. Soos Job aan God getrou gebly het, so sal God ook vir ons sorg, al gaan dit soms swaar met ons.

Vader in die Hemel, help my om altyd aan U getrou te bly. Amen.

 

Dagstukkies Met… is ‘n Radio Tygerberg 104FM-inisiatief en word moontlik gemaak deur CLF, die Christelike Lektuurfonds.

Dagstukkies Met CLF 13 Februarie 2020

God se genade

“Dit is Hy wat wonde toedien, maar Hy verbind hulle weer” (Job 5:18)

Nadat Job deur al die rampe getref is, het drie van sy vriende daarvan gehoor en na hom toe gegaan. Hulle het hom op die ashoop gekry en het vir sewe dae net by hom gesit en niks gesê nie.

Toe sê een van sy vriende met die naam Elifas dat Job met God moet praat. God is groot en wonderlik en sal vir Job moed gee vir die lewe. Hy sê ook vir Job dat God die smart en seerkry gee, maar Hy maak weer gesond.

So baie keer in ons lewens het ons ook baie pyn en droefheid soos Job. Dan kan ons maar net ons seer na God toe neem, Hy sal sy kinders altyd help en beskerm. As ons swaarkry, sien God dit raak en sal ons help om weer met vreugde die lewe in te gaan.

 

Dankie Here, dat U my so baie liefhet. Dankie dat U my seer raaksien en my wonde verbind. Amen.

 

Dagstukkies Met… is ‘n Radio Tygerberg 104FM-inisiatief en word moontlik gemaak deur CLF, die Christelike Lektuurfonds.

 

Dagstukkies Met CLF 12 Februarie 2020

Goeie en slegte dinge kom van God

“As ons die goeie van God aanvaar, moet ons nie ook die slegte aanvaar nie?” (Job 2:10)

Nadat Job alles verloor het, selfs ook sy kinders, het die duiwel weer na God gegaan. Hy sê toe vir God dat as Job se liggaam aangetas word, hy sal sondig en God vervloek. God het toe toegelaat dat die duiwel Job met pynlike swere tref. Hy mag net nie Job se lewe neem nie. Job het op ’n ashoop gaan sit en sy swere met ’n potskerf gekrap.

Toe sê Job se opstandige vrou dat hy God moet vervloek, al sou hy dan sterf. Job antwoord haar met die woorde van ons teksvers: ”As ons die goeie van God aanvaar, moet ons nie ook die slegte aanvaar nie?” Job het baie swaargekry, maar nogtans het hy nie teen die Here gesondig nie.

Baie kere laat God ook toe dat dit met ons sleg gaan. Daardeur wil God ons toets of ons regtig sy kinders is. Dan moet ons net glo dat God die beste vir ons wil hê en dat ons tevrede moet wees as ons swaarkry.

 

Dierbare Heer, dankie vir al die goeie dinge wat ek van U ontvang. Help my ook om met die slegte dinge tevrede te wees. Amen.

 

Dagstukkies Met… is ‘n Radio Tygerberg 104FM-inisiatief en word moontlik gemaak deur CLF, die Christelike Lektuurfonds.

Dagstukkies Met CLF 11 Februarie 2020

Job

“Onder alles het Job nie gesondig of God iets verwyt nie” (Job 1:22)

In die Ou Testament lees ons van ’n man met die naam Job. Hy het die Here gedien en van verkeerde dinge weggebly. Hy het sewe seuns en drie dogters gehad, en was ’n baie ryk man. Op ’n dag het die duiwel vir God uitgedaag en gesê dat Job net so ’n goeie mens is omdat God hom seën. As Job al sy besittings verloor, sou hy nie meer vir God dien nie, het die duiwel gesê.

God gee toe vir die duiwel die mag oor al Job se besittings, maar het hom verbied om aan Job self te raak. Toe word al Job se besittings en diere gesteel en hy verloor alles. Ook al sy kinders sterf. Job het alles verloor. En tog het Job nie vir God daarvoor verwyt nie. Hy het bly glo dat God vir hom sal sorg.

Soms kry ons ook teëspoed in die lewe. Ons verstaan nie die teëspoed nie, maar ons kan bly glo dat God by ons is en in die toekoms vir ons sal sorg.

Here, as dit met my swaar gaan, help my om soos Job op U te vertrou en nie te sondig nie. Amen.

 

Dagstukkies Met… is ‘n Radio Tygerberg 104FM-inisiatief en word moontlik gemaak deur CLF, die Christelike Lektuurfonds.