Dagstukkies met Anton 19 Augustus 2019

19 AUGUSTUS 2019

Efesiërs 4:25:  #Eerlikheid

“Noudat julle die valsheid afgelê het, moet julle onder mekaar die waarheid praat want ons is lede van dieselfde liggaam.”

Neem een teelepel eerlikheid. Voeg dan twee eetlepels liefde daarby. Meng dit goed en laat staan vir so ‘n paar minute. Die waarheid maak seer. Ek onthou nog toe ek ‘n kind was het my Ma my gereeld aan hierdie ongemaklike feit herinner. Kinders vertel mos maar graag die waarheid “snaaks” en het hulle nou en dan so bietjie raad en aanmoediging daaromtrent nodig.  Om eerlik te wees, dit is nie eens altyd maklik vir volwassenes nie, so wat nog te sê van kinders. Tog vreemd dat dit so is.

Ons (die mensdom) doen dit so maklik. Ons doen eerder die verkeerde ding, ten spyte daarvan dat ons meestal presiés weet wat reg is en ook weet wat ons eintlik veronderstel is om te doen.  Om nie eerlik te wees nie is natuurlik (soos ons almal weet) een van daardie verkeerde dinge. Daar is baie redes. Soms is ons oneerlik om ‘n ongemaklike situasie te probeer vermy of dalk om iemand te probeer beskerm. Wat die rede ookal is, jy moet ingedagte hou dat dit die potensiaal het om in iets te ontaard wat jy nóóit in die eerste plek wou hê nie.  Een leuen word twee en dan drie en vier en voor jy jou oë kan uitvee is dit heeltemal buite jou beheer.  Uiteindelik maak jy mense (of miskien jouself) dalk meer seer as wat jy hulle wou help of beskerm.

Een bestanddeel kort. Liefde.  Eerlikheid is goed, dit is verseker die beste opsie of keuse om te neem. Moet egter nie vergeet dat liefde die ding is wat die spreekwoordelike “angel” uit suiwer eerlikheid kom haal nie. Die waarheid of eerlikheid sonder liefde, is baie wreed.  Hanteer dit so (met liefde) dat almal betrokke (insluitende jouself) beter van die situasie af wegstap eerder as slegter. Kom, laat (veral) ons wat ons self kinders van die Here noem hierdie resep volg, eerlikheid met net so ‘n paar teelepels liefde daarby ingemeng.  Dit is goed en gesond vir jou en die beste is, dit maak nie vet nie!

Sterkte!

Dagstukkies met Reinhard 16 Augustus 2019

16 AUGUSTUS 2019

1 6   A U G U S T U S   2 0 1 9

1 Korintiërs 12 :21-24:  #Liggaam

“Die lede van die liggaam wat as die swakste voorkom, is juis noodsaaklik en die wat vir ons minder mooi lyk, klee ons met groter sorg.  So word ons minder aansienlike dele besonder mooi gemaak, terwyl die aantreklike dele dit nie nodig het nie.  God het die liggaam so saamgestel dat Hy groter eer gegee het aan die lid wat eer kortkom.”

Ons was al almal daar gewees, daar waar ons foute bloodgelê word vir die wêreld. Dit voel nooit lekker nie en maak meer kere seer as wat dit noodwendig goed doen.

Dit is asof ons nog dink ons is alleen in hierdie wêreld, maar ons is nie. Ons is deel van een liggaam. Net soos met enige wond loop ‘n mens nie rond en wys mens dit noodwendig vir die hele wêreld nie. Die kans vir infeksie is groter en niemand wil eintlik sulke nare goed sien nie! Net so het ons ‘n verantwoordelikheid om die geestelike wonde van ons in broers en suster in Jesus te beskerm. Ons moet hul beskerm sodat hulle nie nog seerder kry nie maar ook om nie meer skade aan hulself en die liggaam te bring nie.

Soms het iemand net nodig om te sien wat ‘n ander nodig het. En soms is daardie iemand JY.  Kom ons besketm mekaar sonder om die wond toe te smeer of te ontbloot. Ko mons hanteer dit met die nodige volwassenheid en wysheid sodat genesing kan plaasvind.

Jy ken die groot Geneesheer, die Skepper, die Probleemoplosser en Hy ken jou van kroontjie tot toontjie! Jy is deel van Sy Liggaam.

Jesus Liefde

Dagstukkies met Reinhard 15 Augustus 2019

1 5   A U G U S T U S   2 0 1 9

15 AUGUSTUS 2019

Kolossense 1:17:  #Liggaam

“Voor alles was Hy al daar, en deur Hom bly alles in stand.  Hy is die hoof van die liggaam, van die kerk.”

Daar is ‘n gewilde Afrikaanse idioom wat lui: Hoë bome van die meeste wind, dit beteken eenvoudig dat mense in belangrike posisies gewoonlik ook die meeste kritiek ontvang. Dit het egter nie net betrekking tot teëspoed of moeilikheid nie, maar spreek ook baie van verantwoordelikheid en outoriteit wat hierdie mense dra.

Soms is dit moeilik om volkome aan God oor te gee. Van kleins af word kinders geleer om sterk te wees, om voorbereid te wees en om in beheer van hul lewens en keuses te wees. Maar dit is nie hoe dit by God werk nie. Hy is die Hoof van hierdie wêreld. Hy is verseker ook die Hoof van jou en my liggaam en lewe. Alle mag behoort aan Hom.

Hierdie gedagte en wete – dat jy nie werklik in beheer is nie, kan baie mense bangmaak. Inteendeel, vir baie mense is dit ‘n Christenskap “deal breaker”.Maar in die totale oorgawe aan God se heerskappy is daar vryheid om ‘n kind van God te wees.

Mag jy vandag besef Hy is die Hoof van jou lewe en dat jy veilig by Hom is. Hy is die Een wat die wind saam met jou aanvat en jou help staande bly.

Jesus Liefde

 

Rescue Among Many se Carol ‘n juweel

Vrywilligers Amanda Engelbrecht en Benita de Gouveia by RAM se stigter, Carol Bruton en een van RAM se borge, Tino van der Merwe van Imagine Cruising by Radio Tygerberg 104fm se kantore tydens die #KleinSaterdag-uitreik.

Deur Eunice Stoltz

Wat begin het as ‘n vakansiebederf by die Montagu Country Hotel het uitgebrei tot ‘n inisiatief wat daagliks talle mense se lewens aanraak en verreik.

“Ek spandeer nooit geld op myself nie, daar is altyd iemand wat nood het” – Carol Bruton, stigterslid van RAM – Rescue Among Many.

Op ‘n keer besluit hulle om wel ‘n wegbreek te reël en eindig so in die Montagu Country Hotel op. Van stilsit hou Carol glad nie en hulle besluit om tydens die wegbreek te gaan stap waar hulle toe op ‘n tuinprojek afkom. Die vrou wat die tuin in stand gehou het was skraal en gegewe die koue temperatuur glad nie warm genoeg aangetrek nie. Carol se man, Stephen, het onmiddellik Carol se jas gaan haal en dit vir die vrou aangetrek.

Daar het hulle besluit dat hulle nooit weer hulle rug sal kan draai nie. En hulle het ook nie.

RAM is in 2011 gestig en word sedertdien deur beide Carol en Stephen daagliks bestuur. Carol het in 2017 die Lead SA-toekenning ontvang vir haar innoverende werk. Sy en haar man glo beide om te deel ver beter is as om, dit wat jy ontvang, vir jou self te hou. Hulle doen dit dan ook en spreek maklik hulle dankbaarheid uit oor dit wat hulle kry.

“Ons is nie ryk in geld nie, maar ons is ryk aan goedere.”

Carol volg ‘n sterk deursigtigheidsbenadering en gee alles wat inkom vir RAM aan mense in nood. Hoewel die invloed van RAM in die Montagu en Ashton-gemeenskappe sigbaar is, sê Carol dat armoede weens die heersende droogte toeneem. Sy noem ook dat met die verhoging in armoede daar meer werk is, en dat ekstra vrywillige hande tans ‘n groot behoefte is.

RAM is daarop gerig om die lewensomstandighede van jongmense, bejaardes, enkel ouers, plaasskole en straatkinders te verbeter. Met hulle hoofkantore in Thornton, Kaapstad, fasiliteer hulle projekte soos die verskaffing van lae koste behuising aan enkel ouers en oumas wat na kleinkinders kyk. RAM kon onder meer reeds vier huise oprig vir persone in nood. Wanneer die geleentheid homself voordoen is hulle sekondêre mandaat om skuilings aan diere te verskaf. Besoek RAM by www.ram1.co.za.

Bel gerus vir Carrol met enige skenings!

Tel: +27 82 469 3041
E-pos: info@ram1.co.za
Adres: Posbus 957, Eppingdust 7475

RAM is deel van die Tygerberg 104FM-Netwerk, jy kan ook wees, registreer. Vir meer oor die 104FM-Netwerk, of om een van ons #KleinSaterdag begunstigdes te wees, besoek ons NETWERK-skakel bo aan die blad.

 

Dagstukkies met Reinhard 14 Augustus 2019

14 AUGUSTUS 2019

Romeine 10:15:  #Liggaam

“Hoe wonderlike klink die voetstappe van dié wat die goeie boodskap bring.”

In die Bybelse tyd was ‘n paar skoene die teken van volwassenheid. Dit was die simbool van onafhanklikheid, ‘n sigbare bewys dat die persoon groot geword het.

Vandag is dinge aansienlik makliker en kry kinders motors wanneer hul ‘n sekere ouderdom of status bereik. Die gee van skoene was egter die teken dat jy enige plek kon gaan – dat daar geen beperkings op jou was nie.  Vandag nog wil ouers deur die geskenke aan hul kinders die eindelose moontlikhede wys wat die wêreld bied en dat hulle gehoorsaam sal wees aan hul roeping. Die skoene is sleutel tot ‘n toekoms vol geleenthede.

Elke mens het ook ‘n paar skoene by sy Hemelse Vader gekry. En hoewel niemand foutloos is nie, kom hierdie skoene met outoriteit en ‘n roeping.  Jy het spreekwoordelik die sleutel aan jou voete wat deure vir ander kan oopsluit.  Elke tree is ‘n nuwe geleentheid om die goeie boodskap te verkondig.

Sluit jou skoene deure en geleenthede vir mense oop of toe? Dit is jou vraag om vandag eerlik te beantwoord. En die wonderlike genade van skoene is dat dit die rigting volg wat jy kies. Kies jy vandag reg?

Jesus Liefde

 

Werkverskaffing – 13 Augustus 2019

W E R K V E R S K A F F I N G
D I N S D A G   1 3  A U G U S T U S    2 0 1 9

Die Werkverskaffingsbulletin word elke Dinsdag om 10h40 uitgesaai op 104fm.

 
BESTUURDER MANAGER
 
Vereistes: Gekwalifiseerde Menslike Hulpbronne Bestuurder benodig by Foreshore, Kaapstad, met toe- paslike graad in Menslike Hulpbronne/Arbeidsreg, min. 3-5jr. ondervinding as MHB, rekenaarvaardig en tweetalig, vir Ontwikkel en bestuur van aansporingsstelsel om te verseker dat ons mededingend is.  

Epos: CV’s na etoit@chenshia.com (Sluitingsdatum: 16 Aug. 2019)

   
STOORWERKER STOREWORKER

       

  Vereistes: Stoorwerker benodig met gesertifiseerde Matrieksertifikaat, verkieslik met gemiddeld van 60% of hoër, vorige stoor ervaring voordelig, rekenaargeletterd, tweetalig (Afr&Engels) vir tel van voorraad, nagaan van voorraad op bestellings, trek van voorraad, ontvangs en versending van pligte,

Epos CV, Matrieksertifikaat voor 19 Aug. na werner.jubileus@agrico.co.za

 

INSPEKTEUR INSPECTOR

 

Vereistes: Gehaltebeheer Inspekteur & Logistieke Beampte benodig vir (Voedsel en-bestuur) Foreshore, Kaapstad, met Matriek, toepaslike kwalifikasie in Gehaltebeheer, 3-5jr ondervinding in vars vrugte as Gehaltebeheer beampte, eie vervoer, bestuurslisensie, woonagtig in Kaapstad.

Epos CV na etoit@chenshia.com (Sluitingsdatum: 16 Aug. 2019)

 

KOMBUIS ONTWERPER KITCHEN DESIGNER

 

Vereistes: Top Living Kitchens benodig ‘n Kombuis Ontwerper met 2-3jr ondervinding in die kombuis industrie, rekenaarvaardighede (spesifiek CAD) vermoë om behoeftes van die kliënt te verstaan en te konseptualiseer, ontwerp of verkoopskwalifikasies sal voordelig wees.

Epos: CV met ‘n kort portfolio na: rochelle@topliving.co.za

 

TEGNIESE TEKENAAR TECHNICAL DRAFTSMAN

 

Vereistes: Tegniese Tekenaar benodig vir ‘n Vervaardigings Maatskappy in Wellington. Moet op Auto cad en Pro-Engineer (Creo) kan werk. Ondervinding voordelig, moet bereid wees om lang ure te werk.

Epos: Verkorte CV na masgcor@gmail.com

 

JUNIOR WEB/GRAFIESE ONTWERPER GRAPHIC DESIGNER

 

Vereistes: Junior Web/Grafiese Ontwerper benodig met naskoolse kwalifikasie, moet kan photoshop, verkieslik woonagtig wees naby Century City.

Stuur Aansoekbrief en CV aan: admin@ctradett.com

 

SEKURITEITSBEAMPTES SECURITY OFFICERS

 

Requirements: Armed Vehicle Responds & Petrol Officers Grade A and B needed, with a valid registration PSIRA Certificate, fire arm competency certificate, drivers license, code 8, PDP licence will be advantageous. Must be a SA Citizen with valid SA identity document, fluent in English & Afrikaans, must be able to work shifts, to reside in Paarl, Franschhoek, Stellenbosch, Wellington & Kraaifontein.

Email: CV & documents to payroll@hrfsecurity.co.za

 

PANEELKLOPPERS PANELBEATERS

 

Vereistes: Gekwalifiseerde Paneelklopper benodig met min. 10jr. toepaslike ondervinding.

Epos CV na renata@malmesburypb.co.za

 

ADMINISTRATEUR  ADMINISTRATOR

 

Requirements: Office Administrator needed with 2-3yrs exp, able to liaise with creditors, familiar with Word and  Excel, strong character and reliable.

Email CV to info@rorichprojects.com

 

 KONSULTANTE  CONSULTANTS

 

Requirements: Justice 4U Consultancy in Bellville are looking for persons who can act as our agents in tracing former members or beneficiaries, owed unclaimed retirement benefits.

Contact: Janine on (021) 949 8673

 

SNYER (NAALDWERK)  CUTTER

 

Vereistes: Gekwalifiseerde Cutter benodig vir ‘n Sportklere Fabriek in Kuilsrivier, met ondervinding in Oplê en Sny, verkieslik eie vervoer.

Kontak: Louwina by 083 460 2195

 

ALGEMENE ASSISTENTE  GENERAL ASSISTANT

 

Vereistes: Piets Biltong & Butchery benodig ‘n Algemene Assistente met vorige slaghuis ondervinding.

Epos CV na pietsbiltong@vodamail.co.za

Poste moet asseblief teen Maandae 11:00 gestuur word na reception@104fm.co.za

 

 

Gemeenskapsnuus – 13 Augustus 2019

G E M E E N S K A P S N U U S
D I N S D A G   1 3  A U G U S T U S   2 0 1 9

 

15  AUGUSTUS   2019 VOCAL MASTER CLASS

 

Meesterklas word aangebied met Leah, Rouchelle Liedeman & Stem afrigter, Gerrida Dickason m.b.t. Sleutels tot sukses in die musiekbedryf & gesonde grondslag vir enige Sanger

Waar: Stone Shed, Durbanville    Tyd: 18h30

Koste: R400p/p (sluit in ligte aandete en geskenkpak)

Epos: vocalmasterclass.za@gmail.com

 

16-17  AUGUSTUS   2019 LOGOS CHILDRENS MINISTRY

 

Global School of Theology will be hosting a Childrens Ministry Leadership Summit with Gordon & Becki West, Dr. Peter Hammond & many Others on different Topics

Cost: R200p/p            Time: 18h00 & 19h00

Where: Global School of Theology, 8 Potsdam Road, Killarney Gardens   

Contact: Sonia on 082 974 4213 or 021 535 5853

 

17 AUGUSTUS 2019 CHRISTIAN SPORT & BUSINESS

 

Christian Sport & Business hou ‘n Optrede met Angus Buchan & Getuienis van bekende Sport Persoonlikheid,            Waar: Die Lighuis, Voortrekker Weg, Parow

Tyd: 14h00-16h00

Kaartjies:  R30p/p (beskikbaar by Itickets)

 

17 AUGUSTUS  2019 PROJEK 31

 

Projek 31 hou ‘n Fondsinsamelings Ontbyt  ten bate van Jeugbemagtiging

Waar: St. Georges The Martyr Anglikaanse Kerksaal, Sarepta Straat, 67, Kuilsrivier    

Tyd: 09h30 vir 10h00     Kaartjies: R100p/p (bring blikkies kos item)

Kontak: Lesley Bam by 082 333 3604

 

18 & 25  AUGUSTUS   2019 OIKEDOME CHRISTEN SENTRUM

 

Oikedome Christen Sentrum Vroue Bediening hou Spesiale Vroue Maand Dienste met Spreker, Joslyn Staal & Past. Dominique Adonis oor Tema “This is how we fight our battles”

Waar: Oikedome Christen Sentrum, Eon Laan, Scottsdene, Kraaifontein   

Tyd: 09h00

 

24 AUGUSTUS 2019 HUGO LAMBRECHTS MUSIEKSENTRUM

 

Hugo Lambrechts Musieksentrum vier hul 22ste jaarlikse Concertofees met Optrede van 16 jong musici & Hugo Lambrechts Simfonie Orkes     Waar: Hugo Lambrechts Musieksentrum, Parow       Tyd: 19h00    Kaartjies: R130p/p

Kontak: Musieksentrum by (021) 939 9105

 

31 AUGUSTUS 2019 SJ PRODUKSIES & DGP MUSIEK

 

SJ Produksies & DGP Musiek hou ‘n Aand van Goeie Kos & Goeie Musiek met Kristan Donson, Bianca Solomons & Ander

Waar: Westcliff Spesiale Hoërskool, Ou Paarl Weg, Bellville

Tyd: 19h00         Kaartjies: R100p/p

Kontak: Samantha by 076 064 6620

 

31 AUGUST 2019 RAINBOW OF HOPE

 

Rainbow of Hope presents a Woman’s Breakfast with Speaker, Joy Lange & MC Samantha Gleeson       Where: Durbanville Racecourse, Bowlers Avenue, Durbanville

Time: 09h30         Cost: R250p/p (includes Goody Bag)

Contact: Alison on (021) 591 6610

 

15 SEPTEMBER 2019 ORIGIN SA

 

Origin SA presents Performances by Cape Town Mass Choir, CT Philharmonic Orchestra, Symphonic Praise & Rouchelle Liedemann

Where: Cape Town City Hall, Grand Parade

Time: 15h00      Tickets: R150p/p.

Contact: (021) 825 9903

 

 

Dagstukkies met Reinhard 13 Augustus 2019

13 AUGUSTUS 2019

1 3   A U G U S T U S   2 0 1 9

Efesiërs 4:4:  #Liggaam

“Daar is net een liggaam en net een gees, soos daar net een hoop is waartoe God julle geroep het.”

Die hele wêreld is opsoek na een ding: HOOP! Want sonder dit is daar geen toekoms nie. Al het ek al die geld en rykdom maar ek het nie HOOP nie dan sê die Bybel het ek niks.  Jesus is nie net ons Verlosser en Saligmaker nie, maar in die woorde van die sanger Phill Wickomb is hy ons ‘Living Hope’. Ons Lewende Hoop wat ons dra as ons swak is, wat ons wysheid gee as ons onseker is en wat ons vrede gee wanneer ons bang is.

Dit is maklik om ons hoop in tydelike kragte te sit.  My bank, my kar, my werk, my huwelik. Maar al verloor ek al daardie dinge sou ek steeds my Lewende Hoop hê en weet dat ek alles het wat ek nodig het om hierdie lewe voluit te kan leef.

Waarin vind jy vandag jou HOOP? Is dit ‘n ewige hoop?  My hoop is in die Here, die Koning van die hemel en die aarde.

Jesus Liefde

Dagstukkies met Reinhard 12 Augustus 2019

12 AUGUSTUS 2019

1 2   A U G U S T U S   2 0 1 9

 Romeine 12:4-5:  #Liggaam

“Ons het baie lede in een liggaam, en die lede het nie almal dieselfde funksie nie.  Net so is ons, al is ons baie, in Christus een liggaam, en almal afsonderlike lede van mekaar.”

 Dit was vir ‘n lang tyd vir my moeilik om te verstaan dat almal nie noodwendig soos ek is of soos ek dink nie. Ek het ‘n unieke manier van dinge doen en sê en as jy my ken dan weet jy dit goed!  Ek het egter baie vinnig agtergekom dat my manier nie altyd die regte manier vir elke situasie is nie. Ek kan dalk nie vereenselwig met ‘n ander se probleem nie – daarvoor het ek nie die nodige geduld nie. Maar dit is goed om tot daardie insig te kom want God het ons almal anders gemaak, elk met ons eie sterk en swakker punte.

As ek besef wat my uniek en sterk maak dan beweeg ek baie natuurliker in die rigting waarvoor God my geroep het. Ek hoef nie alles vir almal te wees nie. Dit is wanneer ek ander se sterk punte kan sien dat ek besef ons is sterker saam en kan meer saam vermag. Ek is op my heel beste wanneer ek ontdek ek is nie alleen nie en dat ons een liggaam is met een doel:  om eer aan een God te bring.

Speel jy vandag jou rol soos wat God dit lei? Of probeer jy almal se rolle self vervul? Mag jy besef jy is sterker wanneer jy saam met die res van die liggaam wandel. Elke dag.

Jesus Liefde

Dagstukkies met Wayne 9 Augustus 2019

9 AUGUSTUS 2019

Markus 11:24:  #Gebed                                                                 

Alles wat julle in gebed vra, glo dat julle dit al ontvang het, en dit sal vir julle so wees.”

Dit is baie belangrik om die twee belangrikste elemente raak te sien in hierdie skrifgedeelte – gebed en geloof.

Dit is hierdie twee komponente wat hand-aan-hand funksioneer. Ons kan nie net bid oor ‘n saak en dit daar los nie. Ons moet geloof toepas en glo dat God ons werklik sal antwoord. Die grootste manier waarop ons soms misluk in hierdie verband, is die wyse en manier waarop ons praat. Ons woorde en ons gebede is nie altyd in lyn met mekaar nie.

Twee jaar gelede was ek deur ‘n vriend van my uitgedaag om te begin draf. Ek wou dit glad nie doen nie en het toe teen my sin wel besluit om dit een maal te gaan doen (net om hom van my rug af te kry). Behalwe vir die feit dat ek daardie oggend gevoel het of ek by die dood omdraai het iets anders ook gebeur (wat ek nie dadelik vir my vriend gesê het nie): Die draf-gogga het my gebyt! Ek het lief geword vir die sport en het dit deel gemaak van my leefstyl vir sowat twee jaar, totdat iets gebeur het wat my hartseer gelaat het. Ek het ‘n besering opgedoen in my regter knie en ek moes gaan vir ‘n operasie. Na die operasie het die dokter my afgeraai om weer te draf.

Om terug te kom na die punt:  ek het bly bid dat die Here my knie gesond sal maak, want Hy is mos die Geneesheer en Hy kan alles doen. Die probleem was dat my woorde nie in lyn was met dit wat ek gebid het nie. In my binnekamer het ek bly bid dat die Here my sal genees, maar met almal met wie ek in aanraking gekom het en wat vrae het oor my knie gehad het, het ek bly sê dat “ek nooit weer sal kan draf nie” en dat my knie “nooit weer dieselfde sou wees nie.” In hierdie geval het my gebed gefunksioneer sonder geloof en mense kon dit sien.

As jy kyk na jou situasie waaroor jy tans bid – glo jy werklik dat God dit vir jou kan doen en praat jy reg daaroor? Of bid jy een ding en praat iets heeltemal anders?

Weet dat God jou gebede wil beantwoord en dat Hy vir jou wil doen waaroor jy bid, want jy is ‘n Vriend van God.