Filippense 4:10-20
“Ek is tot alles in staat deur Hom wat my krag gee” (Fil 4:13).
GOSPEL SKOUSPEL 2010
Radio Tygerberg - Bank Besonderhede
Radio Tygerberg - Nuwe Kontakbesonderhede
Wat Sê Jy?
U Care Vergaderings
Tyger Top 10
In Rat
Motorsport Fokus
WIELE - Kar van die Week
WIELE - Mnr TT Ronde Tye
WIELE - Wenk van die Week
|
SAKE BYEENKOMS - OKTOBER 2009 |
|
Bevry van gister se bagasie... Dr. David Mplapo borrel van Energie (ja, met ‘n hoofletter), hy is polities onkorrek en hy noem elke sensitiewe onderwerp onverskrokke by die naam. Dis duidelik dat hy totaal bevry is van gister se politieke bagasie en emosies wat jou met negatiwiteit besmet. Ek het lanklaas iemand gesien wat hoogs sensitiewe onderwerpe, stellings en skeltaal met soveel satiriese humor en ironie ondergeskik maak aan sy positiewiteit. Alles het baie jare gelede (33) al begin. Dawid het as 13 jarige by wapensmokkelary betrokke geraak. Hy is tronk toe gestuur. Hy het letterlik eendag in donker, stinkende ‘n afvoerpyp tussen rotte gesit en aan die slaap geraak. Toe hy die volgende oggend wakker skrik, het daar ‘n sonstraaltjie deur klein ‘n skrefie geskyn en op ‘n pragtige roos geval wat in die stinkende pyp gegroei het. Dit het hom geskud. As hierdie bietjie lig ‘n pragtige roos kan laat groei in sulke haglike omstandighede, dan kan die Lig ook sy lewe laat blom. Hy vertel hoe hy ‘n Gideonsbybel in die tronk gelees het en hoe sy lewe begin verander het. Vandag is David Molapo ‘n florerende sakeman, internasionale motiveringspreker, evangelis en skrywer. Hy het uitgeklim en opgestaan en aangegaan. Hy het gesels met meer as 500 sakemense wat Radio Tygerberg se sakeklubbyeenkoms bygewoon het. Gesels ja, want dit was nie ‘n toespraak of ‘n aanbieding nie. Ons fokus op ‘n paar van sy passievolle lewenswaarhede: David is duidelik oor een saak: Moenie God beperk nie. As Hy jou aanraak, verander Hy jou. “Ek is ‘n voorbeeld daarvan.” Hy lê veral klem op drie punte: * die feit dat elke mens ‘n visie moet hê - waarheen jy op pad is en en wat jy uiteindelik wil bereik. * dat jy jou doel met passie sal nastreef en * dat jy nie bang moet wees om berekende risikos te neem nie. Die visie is maklik, vertel hy: Een Koninkryk, een visie. Dit gaan nie oor jou en my visie nie, maar oor God se visie. David verdra nie negatiewe mense “wat lyk of hulle in suurlemoensap gedoop is nie.” Daar is niks fout daarmee om goeie besigheid te doen en baie geld te maak nie, maar jy moet nie jou passie in Christus verloor nie. Dit moet jou as besigheidsmens dryf om goed te doen en bedienings te ondersteun. Mense moet uit hul gemaksone uitklim en begin om dinge te doen. Waak daarteen om mense wat sukkel te behandel of hulle jou mindere is en om aanhoudend VIR hulle dinge te doen. “Luister na hulle en doen dinge SAAM met hulle om hulle lewe te verbeter.” So tussen al die grappies, syspore en tussenwerpsels, laat val David nog ‘n Suid-Afrikaanse ‘politieke onkorrektheid’: Omdat hy glo in produktiwiteit is van die sowat 200 mense wat vir sy ‘I Can Foundation’ werk, 70% blank en ouer as 65 jaar. Nog ‘n ‘issue’ wat hy afgeskud het. Kommunikasie is natuurlik baie belangrik. Veral in die huwelik. Hy beveel aan dat vroue nie altyd moet kritiseer nie. “Maar as jy die mes moet gebruik mevrou, moet dan asseblief nie die slagtersmes gebruik nie, maar die bottermes.” “En menere, praat met jou vrou en praat duidelik en volledig. Vertel vir haar jy is lief vir haar en vertel dit aanhoudend.” Dr David sê dat ons ons nie aan die wêreldekonomie, brandstof- en goudprys hoef te steur nie. Ons word nie deur die wêreldomstandighede beinvloed of gestuur nie, maar deur God. Waak daarteen dat jy jou so besig hou met die dinge van God dat jy nie ‘n persoonlike verhouding met Christus het nie. Kerkroetine, kerkraadsvergaderings, reëls en regulasies kan maklik jou persoonlike verhouding met Christus oorheers. n Mens moet streef na produktiwiteit en sukses by jou werk, in jou sosiale lewe, jou persoonlike lewe en veral in jou huwelik en familielewe. Waak teen sukses by die werk en mislukkings by die huis. Bou sterk familiebande, dit dra jou deur alles. Moenie mismoedig raak as dinge verkeerd loop nie. ‘a Bend in the road does not mean it’s the end of the road.’ Partykeer het mens die nag nodig om die sterre te kan sien. Buitendien, sê David: ‘Tought times don’t last – tough people do.’ En die grootste les wat hy uit die lewe geleer het? Jy kan altyd weer opstaan want God veroordeel en verdoem nie, Hy oortuig. |
|
Nikita |
|
Die Nikita projek is een wat gedoen word in samewerking met Choices 4 Life, ‘n organisasie wat ook gemeenskapswerk doen, en wie se fokus is op die voorkoming van misdaad en dwelmmisbruik. Die organisasie werk veral met skole, en die gewese tronkbewaarders doen ‘n drama opvoering en praat met jongmense oor die gevare en gevolge van geweld en dwelmmisbruik. Choices 4 Life het ‘n voorlegging aan Radio Tygerberg gemaak oor ‘n pa wie se jong dogter polio as kind opgedoen het, en wie nou (na sy vrou se onlangse dood) vir die versorging van sy dogter verantwoordelik is. Sy grootste probleem is finansieël, maar sy onmiddellike behoefte is om die huis so in te rig dat hy na haar kom omsien. Hy het begin om haar kamer in te rig, en ons gaan hom help om die projek klaar te maak. Dit gaan as’t ware ‘n Extreme Make-over van haar kamer wees, asook gedeeltes van die huis (insluitend die bou van ‘n ramp by die voordeur en die verf van die huis buite en binne). Ons het aanvanklik gedink om ‘n hyser in die badkamer te bou om te help om vir Nikita in en uit die bad te lig, aangesien haar pa ‘n rugoperasie ondergaan het en sukkel om dit self te doen. ‘n Arbeidsterapeut en ‘n fisioterapeut het egter onlangs op versoek van Radio Tygerberg ‘n assessering van Nikita se vermoëns gaan doen, en ook die toepaslikheid van hierdie apparaat gaan ondersoek. Dit blyk toe uit hul ondersoek dat dit nie nodig sal wees nie, en instede daarvan gaan ander kleiner hulpmiddels aangewend word. Choices 4Life het intussen begin met die make-over werk, en Nikita se kamer se mure is gepleister, die vloer is gegooi en nou moet die plafon nog gebou word. Die oprit by die voordeur is ook klaar, en die mure is geverf. Binnekort word die res van die werk klaar gedoen, en sal ons almal bymekaar kom om die ‘nuwe’ huis in te wy. Ons moedig luisteraars aan om deel te wees van ons projekte en gereeld te luister hoe hulle betrokke kan raak in die lewens van mense in die gemeenskap. Vir Nikita en haar familie is hierdie ‘n geleentheid om ‘n nuwe lewe te begin, en Radio Tygerberg en ABSA wil dit moontlik maak. |
|
GOSPELFEES IN MITCHELLS PLEIN |
|
Sondag, 20 September 2009 was die hoogtepunt op die gospel kalender van die Kaapse gemeenskap, en hul verwagtinge is ryklik beloon met ‘n kragtige vertoning van 5 van die beste sangers in die plaaslike musiekbedryf. Die pragtige stemme van Ivan Siegelaar, Rouchelle Liedemann, Alban Petersen en die Radio Tygerberg/Traxtudio/TygerBurger Gospel Talent Soektog Wenner 2009, Gerschen Thys het die bykans 1800 mense in die Spine Road Hoërskool Saal in vervoering gehad met hul sang en hul uitsonderlike bediening. Voeg daarby saam die talentvolle Lionel Petersen, en jy’t ‘n resep vir ‘n onvergeetlike gospel fees, wat hierdie dan ook inderdaad was. Die geleentheid is geopen deur die Uitvoerende Beampte van Radio Tygerberg, Hardus Zevenster, wat die gemeenskap van Mitchells Plain en die res van die Kaapse Vlakte gemeenskap bedank het vir hul volgehoue ondersteuning van die radiostasie. In 2007 was ‘n soortgelyke konsert gehou in dieselfde gebou, en die reaksie was oorweldigend. Hy het ook die gehoor verseker dat Radio Tygerberg sal voortbou op sy missie, om die boodskap van verlossing te verkondig op alle maniere denkbaar. Ivan Siegelaar was een van vele kunstenaars wat die gehoor aan hul voete gehad het. Hy het die dag begin met die bekende liedjie, Draw me Close, en het dit gesing onder begeleiding van die orkes van die Redeemed Pentecostal kerk. Hy en Rouchelle Liedemann het die gehoor heeltemaal bekoor met die liedjie The Prayer, en dit was duidelik die gehoor se gunsteling optrede vir die dag. Op haar beurt het Rouchelle ‘n verskeidenheid gunstelinge gesing, en is sy aan die einde van haar vertoning staande toegejuig. Vir Alban Petersen was hierdie die eerste vertoning in maande nadat hy onlangs sy vrou, Colleen, na ‘n lang siekbed aan die dood afgestaan het. Dit was egter duidelik dat elke noot met oorgawe en gees gesing is. Nog ‘n hoogtepunt van die dag was Gershen Thys wat hier in sy eerste amptelike openbare vertoning as wenner van die Gospel Talent Kompetisie opgetree het. Hy het die harte gesteel met liedjies soos Friends in high places en Were it not for grace. Dit was weereens duidelik dat hy ‘n waardige wenner was, en hy het ook die gehoor op hul voete gehad met ‘n sielvolle vertoning. Die dag het egter behoort aan Lionel Petersen wat al die pad uit Johannesburg gekom het om die mense van Kaapstad te kom bedien. Hy het die gehoor betrokke gehou en het beindruk met sy ongelooflike stem en sy hart was duidelik te sien in elke lied wat hy gesing het. Bekende liedjies soos “Tis so Sweet en Because He lives het die gehoor soos een man laat saamsing, en dit bly maar ‘n plesier om lof en aanbidding saam met hom te ervaar. Tussendeur het die gehoor heerlik meegemaak in sang en saamgejuig terwyl die Redeemed Pentecostal Kerk se aanbiddingspan saam met die MC, Rosebud Mgada, die dag met koortjies saamgebind het. Aan die einde van die dag het die gehoor die kunstenaars staande toegejuig en luid gejuig dat hulle beslis volgende jaar terug gaan wees! Weereens het Radio Tygerburg ‘n verantwoordelikheid om volgende jaar terug te kom, en dan sal dit selfs groter en beter wees. |
|
RADIO TYGERBERG ONDERSTEUN LOSLITDAG |
|
Die span van Radio Tygerberg het laas Vrydag behoorlik gees gevang op Loslit Dag. Omtrent 2 weke terug het Hardus Zevenster, die uitvoerende hoof van die radiostasie, die personeel uitgedaag om deel te wees van Loslit Dag en die geleentheid te gebruik om uit te hang en die sportmanne en –vroue wat in hulle steek, na vore te bring. Groot pryse was op die spel, en op 4 September was dit duidelik dat almal alle intensies gehad het om die pryse te wen. Die interpretasie van die tema het humoristiese gevolge gehad. Vir Nadia Gleeson (Produksie Assistant) is haar gunsteling ‘sport’ om te slaap, sy’t kompleet met ‘n kombers, kussing en haar teddibeer aan die pret meegemaak. Ander personeellede het die ‘veilige’ opsie gevolg en met konvensionele rugby en sokkerdrag, hokkiedrag en gholfdrag opgedaag. Van die gunstelinge van die dag was die In Rat span wat soggens tussen 9 en 1nm op 104MFM uitsaai. Suleen Hamman & haar kollega Marius du Plooy het onderskeidelik as ‘n sokkerspeler en ‘n rugbyspeler opgedaag. Dit was nie die klere wat soseer die aandag getrek het as die ‘bykomstighede’ nie… Suleen het besluit dat dit meer interessant sou wees om verteenwoordigend van die Suid Afrikaanse oorwegend swart sokker publiek te wees, en het ‘n afro-pruik opgesit en haar gesig geverf. Alles in die gees van die komende 2010 toernooi. Marius se ‘bykomstighede’ het ‘n blou oog en talle ‘kneusplekke’ ingesluit, asook ‘n mondskerm met die woord LOSLIT daarop. Arrie Hougaardt het soos ‘n tipiese Borat van Kazakhstan ‘n korterige sokkerbroekie oor ‘n swart spanbroek aangetrek, en ook gespog met ‘n afro en ‘n reuse snor. Sy mees indrukwekkende bykomstigheid was ‘n Russiese aksent. Iemand wat nie kon besluit watter sport sy wou verteenwoordig nie, Anthea Bennett (Advertensie Skeduleerder), het sommer alle sportkodes aangetrek, en haarself genoem “Liquorice All Sports”. Haar balletrokkie oor ‘n sokkerbroek, ‘n rystewel aan een voet en tennisskoen aan die ander, swemkappie onder fietsry hoed, swembril en vele ander sportsoorte het haar regtig laat lyk soos ‘n mengelmoes van kleur – ‘n pakkie Liquorice All Sorts! Die groot wenner van die dag was Richard de Villiers van “Verkeer op die Teer-faam” wat die koue getrotseer en met ‘n swembroekie, YSLIKE swemvinne en ‘n groot (papier-mache) vis aan ‘n harpoen opgedaag het. Richard moes uit sy ‘jeepacoptor’ deur kollegas gehelp word. Sy opoffering het vrugte afgewerp en hy het die 1ste plek ingepalm vir mees oorspronklike kostuum (en waarskynlik vir sy braafheid). Ander wenners was Jeanette Kok-Kritzinger, Hoof van alternatiewe inkomste (sumo stoeier), Naomi Engelbrecht, Programbestuurder (renjaer) en natuurlik Suleen Hamman, Kreatiewe Bestuurder en omroeper & Marius du Plooy (omroeper). Die pryse het ingesluit ‘n R500 biltong koopbewys van Piet’s Biltong, ‘n R500 petrolbewys van Engen Kruispad, ‘n koffietafel (ter waarde van R2500, geskenk deur As Botes), vleis koopbewyse van Joeys Meat & Johan’s Meat en 2 Pacmar geskenkbewyse. Die gebeure van die dag het gewys dat die span KAN pret hê, maar ook dat die mense van Radio Tygerberg ernstig is oor die sake wat die gemeenskap raak. In hierdie geval, die nood en behoefte van die gestremde gemeenskap. En weereens het die span gewys dat hul harte op die regte plek is. |
| Volgende |